wrapper

ИОМДОА

ИОМДОА

Хусусиятҳои хоси низоми идоракунии давлатӣ Ҷумҳурии Сингапур

                                              Маълумоти асосӣ:

1.

Номи расмӣ:

 

Парчам                    Нишон

·        тоҷ. Ҷумҳурии Сингапур;

·        англ. Republic of Singapore;

·        мал. Republik Singapura

·        хит. 新加坡共和国

·        том. சிங்கப்பூர் குடியரசு

2.

Минтақа:

Пойтахт:

Ҳудуд:

Аҳолӣ:

Санаи истиқлолият:

Забони расмӣ:

Идоракунии давлатӣ

Сарвари давлат:

-Осиё (Осиёи Ҷанубӣ).

-Сингапур (Singapore).

-733,1 км² (маълумоти 2021)[1]

- 5.686 нафар (2020)

-9 августи соли 1965 (аз Малайзия).

-англисӣ, малайӣ, чинӣ, тамилӣ.

-парламентӣ.

-президент

3.

Қонунгузори олӣ:

 

Мақомоти олии иҷроия:

 

Шиори миллӣ:

 

-Парлумони якпалатагӣ бо муҳлати ваколаташ 5 сол.

-Ҳукумат.

 

-Сингапур ба пеш (Majulah Singapura)

 

 

 
  Ҷумҳурии Сингапур яке аз давлатҳои тариққикардаи ҷаҳон ба шумор меравад. Аз ин рӯ, сирри муваффақияти кишвар, ки дар ташаккули сохторҳои идараи давлатӣ, низоми сиёсӣ ва сохторҳои давлатӣ мебошад. Ҷумҳурии Сингапур-шаҳр-давлат дар Осиёи Ҷанубу Шарқӣ буда, дар ҷануби нимҷазираи Малакка ҷойгир шуда аст. Он бо ду кишвари бузурги минтақа Малайзия ва Индонезия сарҳади баҳрӣ дорад. Ҷумҳурии Сингапур давлати парлумонӣ буда, бо низоми сиёсии авторитарӣ амал мекунад. Аз замони ташкил ёфтани Сингапур ҳизби “Амалиёти халқӣ” дар ҳокимият мебошад. Дар баробари ҳизби “Амалиёти халқӣ” 20 ҳизбҳои сиёсӣ расман сабти ном шудаанд, аммо дар фаъолияти сиёсии давлат нақши асосиро намебозанд. Ҳизби “Амалиёти халқӣ” (чин. 人民行動黨, мал. Parti англ. People’s Action Party, там. மக்கள் செயல் கட்சி) ҳизби асосии сиёсии Сингапур мебошад, ки дар ҳаёти сиёсӣ ва иҷтимоии давлат мавқеи асосиро ишғол мекунад ва соли 1954 таъсис ёфта, баъди истиқлолияти кишвар дар соли 1963 ба сари қудрат омад. Аз соли 1959 то соли 1991 ин ҳизбро нахуствазири Сингапур Ли Куан Ю раҳбарӣ мекард. Сингапур системаи бисёрҳизбӣ буда, ҳизби ҳокимият “Амалиёти халқӣ” мебошад. Дигар ҳизбҳо иборатанд аз:
  1. Ҳизби Прогрессивии (рушди-ҷаҳиш) демократӣ;
  2. Ҳизби иттифоқи миллии демократӣ;
  3. Ҳизби демократӣ;
  4. Ҳизби якдилии миллӣ;
  5. Ҳизби адолат;
  6. Ҳизби ташкилоти миллӣ.
  Ҳокимияти қонунгузор Парлумони якпалата аз 83 вакил ва Президент иборат аст. Тибқи Конститутсияи Сингапур шакли давлати  омехта буда, парламент ва президенти мақоми олии ҳокимияти давлатӣ мебошанд.
  Сохтори давлатӣ ва низоми сиёсӣ. Сингапур як давлати воҳиди демократӣ буда, шакли идоракунии асосии он парлумонӣ мебошад. Мақоми кишвар дар Конститутсия ҳамчун давлати мустақил, ки бо Санади асосии истиқлолияти соли 1965 ва Конститусияи соли 1959 хангоми дар Федерасияи Малайзия буданаш асос ёфта буд, кайд карда шудааст. Моҳи марти соли 1980 матни Қонуни Асосии амалкунанда аз чоп баромад. Сингапур дорои системаи ягонаи маъмурию ҳудудӣ, 21 ноҳияи мунисипалӣ мебошад. Сингапур шаҳри ягона ва калонтарин ба ҳисоб меравад. Принсипи асосии идоракунии давлат стратегияи «сингапуркунонии» ҷомеа дар заминаи миллатҳои чинӣ, малайӣ ва тамилӣ бо мақсади ба вуҷуд овардани миллати ягона мебошад.
  Сарвари давлат президент аст, ки бо роҳи овоздиҳии мустақими умумӣ ба муҳлати 6 сол интихоб мешавад. Тибқи Конститутсияи Сингапур роҳбари ҳокимияти иҷроя Сарвазир ва девони ҳукумат буда, аз ҷониби Президент ва аз байни аъзоёни парлумон таъйин карда мешавад, яъне парлумон идора мекунад. Парлумон бо роҳи овоздиҳӣ бо системаи мажоритарӣ ба муҳлати 5 сол интихоб карда мешавад. Ҳамин тариқ, Конститутсияи соли 1963 қабул шуда, Ҳукумат ба таври дастаҷамъона дар назди парламент масъул аст. Агар Президент мутмаин бошад, ки сарвазир боварии аксарияти аъзои парлумонро аз даст додааст, президент метавонад вазифаи сарвазирро холӣ эълон кунад ё бо дархости сарвазир барои аз байн бурдани ҳокимият розигӣ диҳад.
  Мақомоти Олии қонунгузории Сингапур парламенти якпалата буда, вакилони онро аҳолӣ ба муҳлати 5 сол интихоб менамоянд. Ҳокимияти иҷроия ба Девони Вазирон вогузор шуда, таҳти сарварии сарвазир мебошад. Девони Вазиронро Сарвазир интихоб мекунад ва расман аз ҷониби Президент таъйин карда мешавад.
  Нақши конфутсия мавқеи “дини нимдавлатиро” ишғол мекунад, зеро мафҳуми динамизми конфусия ба меъёрҳои анъанавии ахлоқӣ: мақсаднокӣ, сарфакорӣ, меҳнатдӯстӣ, бе чуну чаро эътироф намудани волоияти ҳокимият, асос ёфтааст. Мақомот иборатанд аз: Парламенти якпалата; Девони Вазирон; Президент; Суди Олӣ.
  Ҳокимияти судӣ дар Сингапур бо системаи пешрафтаи судҳо намояндагӣ мекунад. Мутобиқи моддаи 93 Конститутсия амалӣ намудани ҳокимияти судӣ ба зиммаи Суди Олӣ (Supreme) ва судҳои поёнӣ (subordinate court) вогузор карда мешавад, ки тибқи қонун муқаррар карда шудааст. Қонун муқаррар кардааст, ки Суди Олӣ (Chief Justice)  иборат аст. Раиси Суди Олӣ ва ҳафт судяи он аз ҷониби Президент бо машварати сарвазир таъйин карда мешаванд. Муовинони судяҳои Суди Олӣ пас аз машварат бо Раиси Судя таъйин карда мешаванд.
  Ташкилотҳои асосии тичоратӣ: Федератсияи палатаҳои савдо ва саноати Сингапур, Палатаи савдо ва саноати Хитой, Палатаи савдо ва саноати Ҳиндустон, Палатаи савдои байналхалқӣ, Палатаи савдои Малайя ва ғайра. Аз соли 1970-ум Ассотсиатсияи истеъмолкунандагони Сингапур буда, дар он ҳар як шаҳрванд, ки ба синни 18 расидааст, ҳуқуқи узвият дорад. Аз Ташкилотҳо даъват карда шудааст, ки дар бораи ҳуқуқҳои истеъмолкунандагон хабар диҳанд, шикоятҳоро дида бароянд.
  Мақомоти олии ҳокимияти ичроия аз кабинети Вазирон мебошад. Кабинет дар назди парламент масъул аст ва аз 13 вазир иборат аст:
- Вазорати корҳои дохилӣ;
- Вазорати тандурустӣ;
- Вазорати корҳои хориҷӣ;
- Вазорати иттилоот, коммуникатсия ва санъат;
- Вазорати рушди миллӣ;
- Раёсати мудофиа;
- Вазорати маориф;
- Вазорати рушди ҷамъият, ҷавонон ва варзиш;
- Вазорати муҳити зист ва захираҳои об;
- Вазорати савдо ва саноат;
- Вазорати нақлиёт;
- Вазорати захираҳои инсонӣ;
- Вазорати молия;
- Вазорати адлия.
  Сарвари давлат президент аст. Аз соли 1991, ки тавассути овоздиҳии мустақим интихоб шудааст, ҳуқуқи веторо маҳдуд кардааст. Қабл аз ислоҳоти соли 1991, президентро порлумон таъйин мекард. Дар айни замон президент дар масъалаҳои молиявӣ ва кадрӣ салоҳият дорад. Дар таърихи Сингапур ҳашт президент интихоб шудаанд. Президенти кунунӣ Ҳалима Якоб 14 сентябри соли 2017 интихоб шуд, ки аввалин президенти зан дар таърихи Сингапур мебошад.
  Яке аз хусусиятҳои идоракунии асосии кишвар  низоми идоракуни мустамликавӣ дорад. Сингапур мустамликаи империяи Британияи Кабир буд, ки 140 сол (1819-1959) давом карда, ба сиёсати идоракунии ҳокимият ва раванди иқтисодии он таъсири калон расонида буд. Ҷанбаи муҳими идоракунӣ сохтори муносибатҳои байни сиёсат ва маъмурият, инчунин хусусияти идоракунии давлатӣ дар Сингапур мебошад. Сингапур истифодаи мероси мустамликаи империяи Британияи Кабирро дар ташкили ҳукумати умумии худ идома дод. Аз ин рӯ, Сингапур баъди ба даст овардани истиқлолият системаи хукумати парламентии Англияро кабул карда, онро ҳизби “Амалиёти халқӣ” то ҳол роҳбарӣ мекунад.
  Ҷанбаи муҳими идоракунии сохторӣ, ин муносибатҳои байни сиёсат ва маъмурият буда, яке аз хусусияти идоракунии давлатӣ дар Сингапур мебошад. Дар Сингапур шакли идораи ҳукумати парлумонӣ, бюрократияи давлатӣ тибқи модели Вестминстер (ба монанди Британияи Кабир) ҳамчун хидмати мансабии давлатӣ, содиқ ба ҳукумат ташкил карда шудааст.[2] Пайдоиши ин модел дар давраи ҳукмронии мустамликавӣ бо таъсиси Комиссияи хизмати давлатӣ дар соли 1959 оғоз ёфт. Ба ташаккули ин низоми маъмурӣ бетарафии сиёсӣ, соҳиби доимӣ, мутамарказ ба муносибати содиқ асосёфта хос аст.

Соҳиби Баҳруло,
докторанти (PhD) ва
ходими хурди илмии
шуъбаи Осиёи Ҷанубу Шарқӣ
 
[1]  Statistics Singapore//https://www.singstat.gov.sg/find-data/search-by-theme/society/environment/latest-data санаи муроҷиат:22.04.2022
[2] Lam, Newman M.K. (2000). Government Intervention in the Economy: A Comparative Analysis of Singapore and Hong Kong // Public Administration and Development 20 (5): 397-421. - 2000. - P .399.
 
Муфассал ...

МАСЪАЛАҲОИ МУБРАМ ДАР ШОҲИГАРИИ БУТАН

  Дар мақола якчанд масълаҳои мавҷуда дар Шоҳигарии Бутан, аз қабили маводди мухаддир ва нашъамандӣ, сатҳи ҷиноят, терроризм, мушкилоти камбизоатӣ ва бекорӣ, соҳаҳои сусти маориф ва тандурустӣ, нобаробарии гендерӣ ва зӯроварӣ мавриди таҳлил қарор гирифтааст. Қайд кардан ба маврид аст, ки Бутан як кишвари хурди Осиёи Ҷанубест, ки ба баҳр баромад надорад ва масоҳати 38 394 километри мураббаъро дар шарқи Ҳимолой байни Чин ва Ҳиндустон ишғол мекунад.    

СЕГОДНЯ 30 ЛЕТ ДИПОТНОШЕНИЯМ ТАДЖИКИСТАНА И РЕСПУБЛИКИ КОРЕЯ. Виктор Ким рассказал об имеющихся возможностях и ресурсах, которые необходимо задействовать

  ДУШАНБЕ, 27.04.2022 /НИАТ «Ховар»/. Сегодня, 27 апреля, исполняется 30 лет со дня установления дипломатических отношений между Республикой Таджикистан и Республикой Корея. Государства сотрудничают в таких сферах, как транспорт, логистика, энергетика, модернизация и диверсификация промышленности, изменение климата и окружающая среда, здравоохранение и медицина, образование, культура и туризм.  Однако, по мнению некоторых экспертов, показатели сотрудничества не соответствуют имеющемуся потенциалу. Так ли это на самом деле? Об имеющихся возможностях, ресурсах, которые необходимо задействовать для взаимовыгодного сотрудничества, в интервью корреспонденту НИАТ «Ховар» рассказал научный сотрудник Института стран Азии и Европы Национальной академии наук Таджикистана, председатель корейской общины Таджикистана Виктор Ким.
 
http://www.zoofirma.ru/