Мақола ба таҳлилу омӯзиши нишондиҳандаҳои рушди иқтисодии кишварҳои Осиёи Шарқӣ бахшида шудааст. Панҷ нишондиҳандаи аслии рушди иқтисодӣ дар ин кишварҳо ММД, ММД-и сарона, МММ, МММ-и сарона ва сатҳи бекорӣ мавриди баррасии муаллиф қарор гирифта, бо ҷадвалу намудорҳо тамоюли ин нишондиҳандаҳо дар солҳои 1960-2019 нишон дода шудааст. Илова бар ин, барои амиқтар дарк кардани аҳамияти иқтисодии минтақаи Осиёи Шарқӣ саҳми кишварҳои ин минтақаро дар ММД-и ҷаҳонӣ таҳлил карда, аҳамияти ин минтақа барои омӯзиш асоснок карда шудааст.