Ҳамасола аввали моҳи сентбяр Рӯзи дониш дар Тоҷикистон бо дарси сулҳ оғоз мегардад. Бешак донишу сулҳ  неъматҳои бузургу нодир барои мардуми тамоми сайёра, хусусан барои сокинони сулҳпарвару сарбаланди тоҷик хело муҳим  арзёбӣ мегардад. Зеро тоҷикон сулҳу оромӣ ва суботи сиёсиро бо баҳои ниҳоят гарон ва бо таҳаммули машаққату маҳрумиятҳои ҷанги таҳмилии шаҳрвандӣ ба даст оварда, дар натиҷаи он мактаби сулҳу ваҳдату созандагиро эҷод намуда, онро чун намунаи нодири ибратбахш  ба ҷаҳониён  амалан нишон доданд.

       Қобили зикр аст, ки дар замони соҳибистиқлолӣ бо ибтикори Пешвои миллат муҳтарам Эмомалӣ Раҳмон барои беҳтар намудани шароити таълим ба хонандагону донишҷӯён шароит фароҳам оварда шуда, дар тамоми гӯшаҳои мамлакат садҳо муассисаҳои илмӣ ва мактабҳо бо китобхонаҳои электронӣ ва шароити мусоид барои таҳсил таҷҳизонида шудааст. Ҳамин тариқ, дарсҳои сулҳ аз ҳар ҷиҳат ба наврасон ва ҷавонони мо таъсири мусбат расонида, онҳоро дар рӯҳияи эҳтиром ба сулҳу суботи кишвар, илму маориф ва ватани аҷдодӣ тарбия менамояд. Набояд фаромӯш кард, ки ояндаи неки давлату миллат бештар аз донишу маърифату қадршиносӣ аз сулҳу созандагӣ ва таҳсилоти насли наврасу ҷавонони кишвар бештар вобаста аст.Ишораву пандҳои зерин мову шуморо беҳтару бештар барои расидан ба қуллаҳои болотар роҳнамоӣ хоҳад  кард.

Арзиши дониш

1. Дониш  ҷомеаи солиму  созанда фароҳам  мекунад

2. Дониш андар дил чароги равшан аст...

3. Дониш  сармояи бузурги миллат мебошад

4. Дониш  инсонро ба самти тараққиву пешрафт мебарад

5. Дониш  ба ҷомеа интизом меомӯзад

Арзиши Сулҳ

1. Ваҳдат рамзи баҳамоӣ, сарҷамъӣ, иттиҳоду ягонагӣ буда, пирузии фарҳанги сулҳ ва ақлу заковати солими мардуми хирадсолору сулҳпарвари тоҷикро бори дигар исбот намуд. Эмомалӣ Раҳмон

2. Сулҳ дар китобҳо ба маънои “хайру некӣ” ишора шудааст.

3. Менависам ман суруди сулҳро бо хуни дил...Мирзо Турсунзода

4. Сулҳ баҳорест  баҳор оварад...Аминҷон Шукӯҳӣ

5. Сулҳ  хушбахтии табии инсонҳост, аммо ҷанг фасоду расвоӣ. Ҷеймс Томпсон

Таҳиягар:

Мирсаид Раҳмонов

ходими калони илмии Шуъбаи Осиёи Ҷанубу Шарқии

 Институти омӯзиши масъалаҳои давлатҳои

Осиё ва Аврупои АМИТ